Real Madridi është ende në kërkim të përforcimeve këtë verë dhe duket se tashmë kanë një objektiv në mendje, pasi mbeten ‘të hapur’ për përmirësime.
Kjo erdhi pas një humbjeje poshtëruese 4-0 nga Paris Saint-Germain në gjysmëfinalen e Kupës së Botës për Klube, që ngriti shumë pikëpyetje gjatë kësaj jave.
Antonio Rudiger dhe Raul Asencio bënë gabime të pazakonta, duke i dhënë PSG-së një epërsi të hershme me dy gola. Nëse nuk do të ishte për portierin Thibaut Courtois, rezultati mund të kishte qenë edhe më turpërues për ‘Los Blancos’.
Aktualisht, në skuadrën e parë të Real Madridit janë pesë qendërmbrojtës, por pozicioni shihet si një sektor që kërkon përforcim. Këtu hyn në skenë Ibrahima Konate.
Sipas gazetës spanjolle AS, Konate thuhet se është i interesuar për një transferim në Madrid këtë verë dhe nuk ka ndërmend të rinovojë kontratën me kampionët e Ligës Premier, Liverpool.
Me këtë në mendje, Liverpool raportohet se është i hapur për ta shitur Konaten, për të shmangur një situatë të ngjashme me atë të Trent Alexander-Arnold.
Thuhet se klubi spanjoll preferon ta marrë Konaten si lojtar të lirë verën e ardhshme, por nëse shitet ndonjë mbrojtës, atëherë ata mund të veprojnë që tani gjatë këtij afati kalimtar.
Ndërkohë, Real Madridi është i gatshëm të paguajë rreth 20-25 milionë euro për Konaten këtë verë, por nuk do të shkojë më lart me ofertën.
Muajin e kaluar, një raport nga The Guardian tregonte se Konate ishte ndier i ‘zhgënjyer’ nga oferta e kontratës së Liverpoolit.
Përfaqësuesit e tij thuhet se kanë kërkuar një pagë bazë më të lartë, pasi oferta e klubit ishte e fokusuar kryesisht në bonuse të lidhura me performancën.
