Shkup, 31 korrik – Komisioni kuvendor për çështje të zgjedhjeve dhe emërimeve sot mori vendim për shpalljen e shpalljes publike për emërimin e kryetarit të ri dhe anëtar të KSHPK-së, pas dorëheqjes së Tatjana Dimitrovska.
Kryetarja e Komisionit Shtetëror për Parandalimin e Korrupsionit Dimitrovska dha dorëheqje më 25 korrik dhe Kuvendi i Maqedonisë e konstatoi, pasi Prokuroria për ndjekjen e krimit të organizuar dorëzoi akuzë kundër saj për dy vepra penale – për zbulimin e një sekreti zyrtar të ish drejtorit të TEC “Negotinë”, Nebojsha Stojanoviq, i akuzuar në lëndën “Aditiv”, dhe për falsifikim kompjuterik sepse revizori nga ESHR në emër të saj kaloi testin për certifikatë për fshehtësi shtetërore.
Përfundimi i mandatit të kryetarit ose anëtar të KSHPK-së është përcaktuar në Ligjin për parandalimin e korrupsionit dhe ndeshjes së interesave, sipas të cilit, mandati përfundon para skadimit të mandatit në rast se – ai jep dorëheqjen, humb përgjithmonë aftësinë për të ushtruar detyrën, gjë që përcaktohet nga Kuvendi, dënohet me vendim gjyqësor të formës së prerë për vepër penale me dënim me burgim të pakushtëzuar prej të paktën gjashtë muajsh ose ndodh vdekja e tij. Përfundimi i mandatit të anëtarit ose kryetarit të KSHPK-së përcaktohet nga Kuvendi.
