Shkup, 31 korrik – Modernizimi i rrjeteve të ujësjellësit, ulje të humbjeve teknike dhe financiare, rritje të efikasitetit energjetik dhe përmirësim të performansave të ndërmarrjeve komunale publike, tërë këto janë elemente kyçe për infrastrukturë më të qëndrueshme dhe shërbime më cilësore për qytetarët.
“Kështu sot zëvendësministrja e Mjedisit Jetësor dhe Planifikimit Hapësinor, Ane Llashkoska, i prezantoi qëllimet e aktiviteteve projektuese në vlerë prej 7.5 milionë franga zvicerane, gjatë nënshkrimit të marrëveshjeve për zbatim të projektit “Ndërmarrje komunale rezistente dhe efikase në Maqedoni të Veriut”, që do të realizohet në shtatë komuna të mëdha në vend.
“Ky është hap konkret drejt avancimit të shërbimeve themelore publike dhe standardeve ekologjike dhe për këtë, dëshiroj t’i shpreh falënderim të madh Konfederatës zvicerane për mbështetjen e vazhdueshme. Falëdnerim i veçantë për ambasadoren Ulman për përkushtimin e saj dhe bashkëpunimin e vazhdueshëm në avancimin e qëllimeve tona të përbashlëta”, theksoi Llashkoska.
Më pas, ajo shtoi se projekti, me vlerë të përgjithshme prej 7,5 milionë frangave zvicerane, është shembull i shkëlqyeshëm për partneritet efikas, 6,5 milionë franga janë grant nga Zvicra, përderisa mbi një milion franga janë siguruar nga Ministria e Mjedisit Jetësor.
Kjo strukturë e financimit, siç theksoi Llashkoska, e pasqyron besimin e dnërsjelltë dhe partneritetin e afërt me Zvicrën në drejtim të realizimit të prioriteteve të përbashkëta. përvoja na tregon, shtoi ajo, se përmirësimi i kushteve jetësore dhe mbrojtja e mjedisit jetësor nuk janë tl mundura pa decentralizim efektiv dhe pa ndërmarrje publike lokae të përforcuara.
“Në atë drejtim, Ministria vepron si urë mes këtyre ndërmarrjeve dhe partnerëve ndërkombëtarë, me fokus në ndërtimin e kapaciteteve të besueshme dhe funksionale. Ambasadore Ulman, faleminderit për këtë partneritet stabil. Falëdnerim i sinqertë edhe drejt kryetarëve të komunave dhe drejtorëve të ndërmarrjeve publike për angazhimin e tyre aktiv dhe bashkëpunimin e afërt. jam e bindur se ky model bashkëpunimi do të sjellë rezultate të dukshme dhe afatgjata për qytetarët tanë”, nënvizoi Llashkoska.
Kënaqësi shprehi edhe ambasadorja Ulman. Ajo, mes tjerash, tha se duhet të kuptohet, se uji nuk është në atë sasi, si deri më tani.
“Duhet të punohet me shumë kujdes në menaxhimin me ujin, duhet të ketë përkushtim të përbashkët dhe të ndahet përgjegjësia, në mënyrë që të mund të pakësohen humbjet e ujit. Në këto kohë sfiduese për njerëzit dhe mjedisin jetësor, për ekonominë, nuk duhet të lejohet uji të humbet. Duhet të trajtohet si pasuri e posaçme, si vlerë e posaçme. Pa ujë, nuk ka jetë”, nënvizoi ambasadorja.
Ajo theksoi se në projekt do të bashkëfinancojnë edhe komunat edhe ndërmarrjet publike nga shtatë bashkësitë lokale.
