Megjithatë, kur këto raste bëhen të shpeshta, ato mund të sinjalizojnë një problem më të thellë. Plakja është një nga shkaqet më të zakonshme të humbjes së kujtesës.
Ndërsa truri plaket, ai tkurret dhe përpunimi i informacionit ngadalësohet, çka ndikon në kujtesën afatshkurtër dhe në aftësinë për të zgjidhur probleme.
Megjithatë, mosha nuk është shkaku i vetëm. Përdorimi i disa medikamenteve si antidepresivët ose ilaçet për tensionin, si dhe stresi kronik, mund të dëmtojnë funksionin e kujtesës.
Edhe dieta ka ndikim të madh: një ushqyerje e pasur me flavonoide, që gjenden në çaj, domate dhe perime me gjethe të errëta, ndihmon në ruajtjen e funksioneve njohëse, ndërsa ushqimet ultra të përpunuara lidhen me rënie të kujtesës dhe rrezik për demencë.
Gjumi i dobët është një tjetër shkaktar i rëndësishëm, pasi truri ka nevojë për pushim që të rifreskojë kujtesën. Apnea e gjumit, e padiagnostikuar tek burrat, ndikon negativisht sepse ndalon furnizimin me oksigjen të trurit gjatë natës.
Humbja e dëgjimit gjithashtu ndikon te kujtesa sepse truri përqendrohet më shumë për të kuptuar fjalët dhe më pak për të ruajtur informacionin, por aparatet e dëgjimit mund të ndihmojnë.
Së fundi, shumë detyrimi, veçanërisht përdorimi i shumë pajisjeve njëkohësisht, vështirëson përqendrimin dhe përkeqëson kujtesën.
Ky efekt është vënë re edhe tek të rinjtë, por te të moshuarit është edhe më i theksuar. Të gjitha këto tregojnë se kujtesa ndikohet jo vetëm nga mosha, por edhe nga mënyra si jetojmë, dhe ndryshimi i disa zakoneve mund ta përmirësojë ndjeshëm atë.
