Një burrë nga Bangladeshi i cili vuan nga një sëmundje gjenetike jashtëzakonisht e rrallë e njohur si “njeriu pemë” është kthyer në spital dhe ka nevojë për një operacion më shumë pasi kjo gjendja iu rikthye pas operacioneve të shumta në vitin 2016.
Abul Bajandar, një 28 vjeçar nga një qytet i vogël në jug të Bangladeshit, u bë pjesë e mediave tre vjet më parë kur iu nënshtrua një sërë operacionesh komplekse për të hequr lezione që i ngjajnë degëve të pemës nga duart dhe këmbët.
Bajandar ka jetuar me sëmundjen, epidermodysplasia verruciformis, për më shumë se dy dekada, duke rezultuar në rritje ekstreme të lythave në të gjithë trupin e tij.
Kjo sëmundje është shkaktuar nga një defekt në sistemin imunitar, i cili rrit ndjeshmërinë ndaj HPV ose virusit të papilomës njerëzore, që shpesh çon në infeksionin kronik HPV, në lezione të lëkurës dhe rritë rrezikun për zhvillimin e kancerit të lëkurës melanoma.
Kjo sëmundje është tejet e rrallë dhe në mbarë botën janë identifikuar vetëm disa raste.
