Në provincën Liaoning të Kinës, gjeologët kanë zbuluar një depozitë gjigante ari, me mbi 1 440 tonë, e vlerësuar rreth 192 miliardë dollarë, sipas dailygalaxy.com.
Ky zbulim i konfirmuar nga Ministria kineze e Burimeve Natyrore ka potencialin të ndryshojë tregjet globale dhe të forcojë strategjinë financiare të Pekinit.
Depozita, e njohur si miniera Dadonggou, është më e madhja e zbuluar në Kinë që nga viti 1949.
Me një përqindje mesatare ari prej 0,56 gram për tonë në mbi 2,5 milion tonë shkëmb armbajtës, ajo mund të rrisë ndjeshëm prodhimin kombëtar të artit dhe të vendosë Kinën në një nivel të ri në tregun global.
Qeveria kineze po investon 20 miliardë juanë për zhvillimin e një zinxhiri të plotë industrial, duke përfshirë nxjerrjen, rafinimin dhe përpunimin e artit, si dhe prodhimin e bizhuterive. Projekti përfshin një park industrial prej 133 hektarësh, me magazina, zona logjistike dhe infrastruktura të dedikuara për menaxhimin e arit.
Shpejtësia e realizimit të minierës është e jashtëzakonshme: pothuajse 1 000 punëtorë përfunduan fazën e eksplorimit në vetëm 15 muaj, një kohë shumë e shkurtër për një depozitë të tillë. Kjo tregon prioritetin e qartë të autoriteteve kineze, jo vetëm për arsye ekonomike, por edhe strategjike.
Ky zbulim vjen në një kohë kur çmimet globale të artit kanë arritur nivele rekord, mbi 4 100 dollarë për kg.
Rritja e kërkesës po nxitet nga pasiguria financiare, inflacioni dhe një zhvendosje e konsiderueshme nga dollari amerikan, sidomos nga bankat qendrore dhe ETF-të të mbështetura në ari.
Në vitin 2024, Kina konsumoi 985 tonë ari, shumë më tepër se prodhimi i saj kombëtar prej 377 tonësh. Kjo tregon nevojën për të fuqizuar rezervat strategjike dhe për të siguruar stabilitet financiar përballë pasigurisë globale.
Vendndodhja e saktë e minierës mbahet e fshehtë, gjë që ka nxitur spekulime mbi masat e sigurisë dhe menaxhimin e rezervave strategjike. Ky nivel i fshehtësisë tregon se zbulimi ka një rëndësi të jashtëzakonshme për planifikimin ekonomik dhe politik të Kinës.
