Sekretari amerikan i Mbrojtjes, Pete Hegseth, tha se edhe 500 trupa të Gardës Kombëtare do të dërgohen në Uashington, pas të shtënave ndaj dy pjesëtarëve të forcës pranë Shtëpisë së Bardhë.
Gjatë një vizite në Republikën Dominikane, Hegseth tha se presidenti Donald Trump i kishte kërkuar “të shtojë edhe 500 trupa të tjerë të Gardës Kombëtare në Uashington DC”.
Dy pjesëtarët e Gardës Kombëtare u qëlluan rreth orës pranë stacionit të metrosë Farragut West, jo larg Shtëpisë së Bardhë, njoftuan autoritetet në një konferencë për shtyp.
Drejtori i FBI-së, Kash Patel, dhe kryetarja e bashkisë së Uashingtonit, Muriel Bowser, thanë se dy pjesëtarët ndodheshin në gjendje kritike, por jo të vdekur, siç kishte deklaruar fillimisht guvernatori i Virxhinias Perëndimore, Patrick Morrisey.
Më shumë se 2 000 trupa të Gardës Kombëtare janë të vendosur në Uashington prej muajsh.
Trump i dërgoi ata në kryeqytet në gusht, duke përmendur pretendime për kriminalitet të lartë si arsye për mobilizimin.
Statistikat e krimit nuk e mbështesin këtë pretendim.
