Gaza, 02 korrik, Zhurnal.mk – Pas 1.000 ditësh lufte, të paktën 21.000 të mitur janë vrarë në Rripin e Gazës”, por numri real “ka shumë gjasa të jetë edhe më i lartë, për shkak të numrit të panjohur të fëmijëve të varrosur nën rrënoja”. deklaron organizata Save the Children.
Sipas Site Management Cluster, mbi 800 000 fëmijë dhe adoleshentë, rreth 80% e të gjithë të miturve në Gaza, janë zhvendosur nga shtëpitë e tyre, ndërsa 7.000 prej tyre janë të pashoqëruar ose të ndarë nga familjet.
Gjithashtu, 625 000 fëmijë dhe adoleshentë të moshës shkollore kanë humbur tre vite arsimim formal, ndërsa vlerësohet se 245 000 të mitur janë të rrezikuar ose të prekur nga kequshqyerja.
Organizata bën thirrje që armëpushimi të hyjë në fuqi menjëherë dhe të jetë përfundimtar, që qeveritë të pezullojnë menjëherë transferimin e armëve drejt Izraelit dhe që të garantohet përgjegjësi e plotë për krimet e kryera ndaj fëmijëve.
