Shkup, 9 korrik, Zhurnal.mk – Nga Dogana sot informojnë se kanë duar të lira të punojnë në çdo drejtim, ndërsa aktualisht është në zhvillim një hetim për mallra akcizore. Ata presin shuma milionëshe nga pagesa e detyrimeve të shmangura.
“Po punojmë në diçka për të cilën askush në Administratën Doganore nuk është guxuar të punojë, ose nuk ka pasur interes të merret me një rast të tillë. Ne, si pjesë e aparatit shtetëror të udhëhequr nga kryeministri Hristijan Mickoski, kemi duar të lira të punojmë në gjithçka. Kur ta përfundojmë të gjithë lëndën, do të arrijmë te shuma milionëshe të detyrimeve të shmangura që do t’i arkëtojmë. Dhe shpresoj që, në bashkëpunim me Prokurorinë Themelore për Ndjekjen e Krimit të Organizuar dhe Korrupsionit, të arrijmë jo vetëm te ekzekutuesit, por edhe te porositësit”, theksoi drejtori Boban Nikollovski në emisionin “Për ose kundër” në televizionin Alfa.
Këtë vit, siç theksoi ai, deri në qershor janë paraqitur 91 kallëzime penale nga Departamenti i Hetimeve pranë Sektorit për Kontroll dhe Hetime.
