Prishtinë, 10 gusht, Zhurnal.mk – Kryetari i Prishtinës, Përparim Rama ka bërë të ditur se ëshë hap për qarkullim rruga“Ilir Konushevci” segmenti 2, në afërsi të objektit të Komunës.
Rama përmes një postimi në rrjetin social në Facebook ka bërë të ditur se puna është përqendruar në asfaltimin e rrugës dhe vendosjen e sinjalistikës, me qëllim që në orët e mëngjesit rruga të jetë e përfunduar dhe e gatshme për qarkullim.
“Mirëmëngjesi Prishtinë. Rruga është e hapur për qarkullim. Derisa qyteti ishte n’gjumë, ekipet e Kryeqytetit punuan pa ndal. Gjatë gjithë natës u punua në asfaltim dhe sinjalistikë, që sot në mëngjes rruga të jetë e përfunduar dhe e gatshme për qarkullim”, është bërë e ditur nga Kryeqyteti.
Rama ka shprehur mirënjohje për ekipet në terren, duke e cilësuar punën e tyre si shembull të përkushtimit dhe angazhimit për përmirësimin e infrastrukturës së qytetit.
