Rusi, 12 gusht, Zhurnal.mk – Presidenti rus Vladimir Putin tha sot se vendi i tij do t’i “përgjigjet në të njëjtën mënyrë” sekuestrimit të anijeve të tij tregtare nga vendet e Bashkimit Evropian, duke i përcaktuar planet e tilla si “asgjë më shumë se pirateri dhe grabitje.
“Nëse kjo fillon të zbatohet në praktikë, ne do të jemi të detyruar të përgjigjemi në të njëjtën mënyrë”, tha Putin ndërsa merrte pjesë në fazat përfundimtare të stërvitjeve të Flotës së Paqësorit të Rusisë në qytetin Yuzhno-Sakhalinsk në rajonin Sakhalin të Lindjes së Largët të vendit.
Putini tha se Rusia sheh se autoritetet në disa vende të BE-së që përpiqen të kufizojnë lëvizjen e anijeve të saj tregtare “në kundërshtim me ligjin ndërkombëtar detar”. Ai argumentoi se këto vende madje kanë menduar t’i sekuestrojnë dhe të shesin pronën, për të cilën ai tha se “ata na e vodhën neve”.
“Kjo sigurisht nuk është asgjë më pak se pirateri dhe grabitje”, tha Putini duke shtuar se përgjigjja e Rusisë nuk do të ndodhë domosdoshmërisht në ujërat ku ndodhin sekuestrimet, por “kudo që ne e gjykojmë të nevojshme dhe të përshtatshme, kudo, përfshirë në Paqësor”.
