Galatasaray ka bërë një ofertë të majme për transferimin e sulmuesit brazilian të Arsenalit, Gabriel Martinelli.
Sipas gazetarit Florian Plettenberg, gjiganti turk ka paraqitur ofertë prej 45 milionë eurosh për 25-vjeçarin, ndërsa drejtuesit e Arsenalit janë duke e shqyrtuar propozimin.
E ardhmja e Martinellit te Arsenali ka qenë e pasigurt gjatë dy sezoneve të fundit, veçanërisht pasi trajneri Mikel Arteta po kërkon përforcime në krahun e majtë të sulmit.
Braziliani pati një rol më të kufizuar gjatë sezonit të kaluar, duke realizuar një gol dhe katër asistime në 30 paraqitje në Premier League, prej të cilave vetëm 11 ishin si titullar.
Arsenali kishte shfaqur interesim për yllin e Real Madridit, Vinicius Junior, si një alternativë për krahun e majtë, por braziliani vendosi të vazhdojë qëndrimin në Madrid duke nënshkruar kontratë të re me klubin spanjoll.
Në rast se Arsenali pranon ofertën e Galatasarayt, transferimi i Martinellit për 45 milionë euro do të bëhej shitja më e shtrenjtë në historinë e klubit londinez.
Një tjetër faktor që mund të ndikojë në të ardhmen e brazilianit është kontrata e tij, e cila skadon në verën e ardhshme.
