Federata Argjentinase e Futbollit (AFA) është dënuar me një gjobë prej rreth 275 mijë eurosh nga Komiteti Disiplinor i FIFA-s, për shkeljet e evidentuara gjatë finales së Kupës së Botës.
Përveç gjobës, AFA është urdhëruar që dy ndeshjet e ardhshme si vendase t’i zhvillojë me vetëm 50 për qind të kapacitetit të stadiumit.
FIFA ka përcaktuar gjithashtu se rreth 85.5 mijë euro nga gjoba duhet të investohen në një plan për luftimin e diskriminimit.
Megjithatë, një pjesë e dënimit është pezulluar. Bëhet fjalë për njërën nga dy ndeshjet me kapacitet të kufizuar dhe rreth 85.5 mijë euro të gjobës, të cilat janë pezulluar gjatë një periudhe prove.
Dënimet nuk janë kufizuar vetëm te federata. FIFA ka ndëshkuar edhe disa futbollistë dhe zyrtarë argjentinas. Leandro Paredes ka marrë dënimin më të rëndë, me 10 ndeshje pezullim dhe një gjobë prej rreth 77 mijë eurosh.
Ndërkohë, Nahuel Molina është pezulluar për 7 ndeshje dhe është gjobitur me rreth 77 mijë euro.
Thiago Almada është dënuar me një ndeshje pezullim dhe një gjobë prej rreth 25.6 mijë eurosh.
Nga zyrtarët e ekipit, Roberto Ayala ka marrë një pezullim prej 3 ndeshjesh, së bashku me një gjobë prej rreth 25 mijë eurosh.
Ndërsa Pablo Martin Paez Gavira është dënuar me një ndeshje pezullim dhe një gjobë prej rreth 25 mijë eurosh.
Vendimi i FIFA-s përbën një goditje të rëndësishme për kampionët e botës, të cilët tashmë përballen me kufizime në ndeshjet e ardhshme dhe me mungesa të rëndësishme për shkak të pezullimeve.
