Tiranë, 27 gusht, argument.mk/ – Ministri i Drejtësisë, Toni Gogu përcaktoi matjen e rezultateve për qytetarin si një nga standardet kryesore të punës së sistemit të drejtësisë në muajt e ardhshëm.
Sipas tij, çdo angazhim ka një matës: rezultatin që merr qytetari.
“Shërbime më të shpejta, më të thjeshta dhe më të aksesueshme, me përgjegjësi të qartë për çdo rezultat. Ky është standardi ynë”, theksoi ai.
Përmes një videoje në rrjetet sociale, Gogu tha se se drejtësia nuk duhet të vlerësohet vetëm nga treguesit e brendshëm të sistemit, por edhe nga përvoja dhe rezultati konkret që merr qytetari.
“Drejtësia duhet të matet. Kjo është ideja qendrore e punës sonë në muajt e ardhshëm. Duhet të matet me rezultatet që pret qytetari, duhet të matet dhe me rezultatet që partnerët tanë evropianë verifikojnë”, tha ai.
Gogu rendit tre prioritete për periudhën në vijim.
“Për këtë arsye, ajo duhet të jetë më e prekshme nga qytetari dhe ne, nga 20 zyra të ndihmës juridike, do të jenë 30 zyra. Asnjë qytetar nuk mund të jetë pa ndihmë juridike për shkak të pamundësisë ekonomike”, tha Gogu.
Prioriteti i dytë është rritja e efikasitetit të sistemit të drejtësisë.
“Prioriteti ynë i dytë duhet të jetë eficienca e sistemit. Sistemi duhet që të funksionojë më shpejt, më mirë për qytetarin. Për këtë arsye ne do të matim rezultatet e sistemit dhe do të ndjekim çdo angazhim që sistemi vetë do të marrë”, tha ai.
Së treti, shtoi Gogu, “të drejtat e njeriut duhet t’i forcojmë”.
