Shkup, 31 gusht, argument.mk/ – LSDM dhe Venko Filipçe shpërndajnë panik për idenë e ndërtimit të qendrave të të dhënave, deklaroi në konferencën e sotme për shtyp Mile Lefkov, anëtar i Komitetit Ekzekutiv dhe deputet i VMRO‑DPMNE.
Ai theksoi se opozita duhet të bëjë dallim të qartë mes qendrave private dhe qendrës kombëtare shtetërore të të dhënave.
“E para, Filipçe dhe udhëheqja e tij aktuale në SDSM duhet të bëjnë dallim mes qendrave private të të dhënave dhe qendrës kombëtare shtetërore të të dhënave. E dyta, Filipçe është i fundit që mund të kujdeset për interesat e qytetarëve dhe cilësinë e jetës së tyre”, tha Lefkov.
Sipas deputetit të VMRO‑DPMNE, ndërtimi i një objekti të tillë paraqet obligim që del nga Agjenda Reformuese në rrugën drejt BE‑së.
“Shteti ka obligim nga Agjenda Reformuese ose rruga drejt BE për ndërtimin e një qendre kombëtare të të dhënave. Dhe siç kemi informuar, Maqedonia ka një qendër të të dhënave në Prilep që është sekondare, ajo që i duhet është një primare ku në një vend do të ruhen të gjitha të dhënat nga institucionet shtetërore. Pra, qëllimi i kësaj qendre të të dhënave është siguria e të dhënave personale të qytetarëve si dhe siguria e të dhënave nga institucionet shtetërore”, deklaroi Lefkov.
Lefkov drejtoi edhe disa pyetje ndaj partisë opozitare lidhur me qëndrimin e tyre për sigurinë kibernetike.
“A mos janë Filipçe dhe SDSM që shpërndajnë panik kundër sigurisë së të dhënave personale dhe shtetërore? A e di SDSM se kjo është kyçe për sigurinë dhe stabilitetin e shtetit? A e di SDSM se të dhënat e sigurta personale të qytetarëve janë me rëndësi të madhe për realizimin e të drejtave të tyre në baza të ndryshme si shëndetësore, sociale e të ngjashme?”, pyeti ai.
Ai shtoi se siguria kibernetike është segment kyç për çdo shtet modern.
“Siguria kibernetike ose mbrojtja nga sulmet ndaj sistemit të të dhënave është tipar i çdo shteti modern. Dhe zakonisht ndërsa VMRO‑DPMNE kujdeset për çdo qytetar dhe për shtetin, SDSM kërkon mënyra për realizimin e interesave të individëve”, përfundoi Lefkov.
