Shkup, 2 shtator, argument.mk/ – Aleanca për Shqiptarët ka reaguar sot ndaj partisë shqiptare në pushtet duke i kujtuar një nga premtimet elektorale që lidhet me krijimin e një banke shqiptare.
Sipas ASH-së VLEN premtoi bankë shqiptare e solli Alta Banken e Beogradit.
Kumtesa e plotë:
Premtuan bankë shqiptare. Premtuan kapital shqiptar. Premtuan fuqizim ekonomik të shqiptarëve. Nderkohe, kaluan mbi dy vite dhe nga banka shqiptare as emri, as adresa, as themeli!
Ndërkohë, “Alta Banka” e Beogradit, tashmë zotëron 95.23% të “Alta Banka” në Manastir.
Ja bilanci i VLEN-it: Banka shqiptare mbeti në programin zgjedhor, ndërsa kapitali serb po forcon pozitat në sistemin bankar të vendit.
Ku është banka që ua premtuat shqiptarëve?
Ku janë kushtet që thatë se do t’i krijonit?
Sa kohë mendoni se mund t’i ushqeni shqiptarët me premtime, derisa para syve të tyre ndodh krejt e kundërta?
Dy vite pushtet. Zero bankë shqiptare. 95.23% “Alta Banka” Beograd.
Ky është rezultati.
