Shkup, 2 shtator, Zhuranl.mk – Treni i Qytetit ka filluar zyrtarisht punën, duke realizuar premtimin që linja e parë të niste më 1 shtator. Projekti synon të ofrojë transport publik më të shpejtë, më të lirë dhe më efikas, si dhe lidhje më të mirë të vendbanimeve periferike me qendrën e Shkupit.
Me një udhëtim simbolik në relacionin Zelenikovë – Stacioni i Ri Hekurudhor Shkup, u vu në funksion faza e parë e projektit.
Zëvendëskryeministri dhe ministri i Transportit dhe Lidhjeve, Aleksandar Nikolovski, theksoi se me nisjen e projektit po përmbushet një premtim i dhënë qytetarëve. “Premtuam se Treni i Qytetit do të fillojë më 1 shtator dhe kështu ndodhi. Ky është fillimi i realizimit të vizionit për transport publik më efikas”, tha ai.
Nikolovski pret që linja e re të jetë me dobi të madhe për kategori të ndryshme qytetarësh – nxënës, studentë, pensionistë dhe të gjithë ata që udhëtojnë çdo ditë drejt Shkupit. Ai shtoi se realizimi i trenit urban është dëshmi se me plan të qartë dhe vizion mund të realizohen projekte të mëdha infrastrukturore.
