Këngëtarja e famshme, Madonna, ka tërhequr vëmendjen e fansave me një set fotografik të guximshëm për koleksionin e saj të ri promocional të lidhur me albumin “Confessions II”.
Në një nga imazhet, 68-vjeçarja shfaqet me reçipeta të zeza transparente dhe geta rrjetë, duke sjellë një tjetër prej atyre pamjeve provokuese që kanë qenë pjesë e stilit të saj ndër vite.
Artisja pozon me flokët e saj bionde të valëzuara dhe disa aksesorë, ndërsa në disa prej imazheve të tjera shfaqet me pjesë të koleksionit të ri, përfshirë bluza me kapuç të dekoruara me gurë, bluza me grafika dhe veshje me elemente rrjetë.
“Dress You Up in my merch…”, shkroi ajo në përshkrimin e publikimit, duke iu referuar këngës së saj të vitit 1984, “Dress You Up”.
Postimi mori me shpejtësi mijëra pëlqime dhe komente, përfshirë reagime nga emra të njohur të industrisë së muzikës dhe filmit. Aktorja Gwendoline Christie, e njohur nga “Game of Thrones”, reagoi me një koment të shkurtër: “E bleva!”
Fotografitë vijnë në një periudhë të ngarkuar për këngëtaren. Albumi i saj “Confessions II” u publikua në korrik dhe është prezantuar si vazhdim i albumit të suksesshëm “Confessions on a Dance Floor”, të publikuar në vitin 2005.
Këngëtarja e famshme pritet gjithashtu të jetë një nga figurat kryesore të MTV Video Music Awards 2026, ku ka marrë 11 nominime. Ceremonia do të mbahet më 27 shtator në Los Angeles, ndërsa këngëtarja do të rikthehet në skenën e VMAs për një performancë live, më shumë se dy dekada pas paraqitjes së saj të fundit në këtë event.
Madonna duket se po përgatitet për një tjetër paraqitje të madhe, ndërsa vazhdon të promovojë albumin e saj të ri dhe koleksionin që lidhet me të.
