Reperi i njohur shqiptar Noizy, aktori Blerim Destani dhe aktori i njohur gjerman Moritz Bleibtreu do të jenë pjesë e programit “ZFF Masters” më 3 tetor në Cyrih.
Tre emrat do të ndajnë me publikun prapaskenat e realizimit të filmit “Blood Money”, një dramë e ashpër e arteve marciale në të cilën ata interpretojnë së bashku, raporton Albinfo.ch.
Noizy është një nga emrat më të njohur të skenës hip-hop në gjuhën shqipe, ndërsa Blerim Destani është i njohur për pjesëmarrjen në disa produksione ndërkombëtare, përfshirë “The Comeback Trail” dhe “Time of the Comet”, ku ka pasur edhe rol si producent.
Moritz Bleibtreu ka një karrierë të gjatë në kinemanë gjermane dhe ndërkombëtare.
Takimi do të mbahet më 3 tetor, në orën 11:00, në KINOKONI, në kuadër të Zurich Film Festival.
