Bayern Munich ka zyrtarizuar vazhdimin e bashkëpunimit me sulmuesin anglez, Harry Kane, i cili ka nënshkruar kontratë të re me klubin bavarez deri në vitin 2029.
Pas arritjes së marrëveshjes, 33-vjeçari ka shprehur kënaqësinë për vazhdimin e qëndrimit në “Allianz Arena”, duke theksuar lidhjen e veçantë që ka krijuar me klubin, tifozët dhe trajnerin Vincent Kompany.
“Jam jashtëzakonisht krenar që jam pjesë e Bayern Munichut. E dua këtë klub, tifozët dhe ‘Allianz Arenën’. Kemi një skuadër fantastike dhe një trajner të shkëlqyer si Vincent Kompany. Më bën shumë krenar ky vendim për të qëndruar”, deklaroi Kane.
Rinovimi vjen pas një periudhe të jashtëzakonshme për sulmuesin anglez, i cili së fundmi u shpall fitues i ‘Topit të Artë 2026’, duke fituar kështu çmimin e parë të këtij niveli në karrierën e tij.
Kane zhvilloi një sezon mbresëlënës 2026/27, duke realizuar 61 gola dhe duke dhuruar shtatë asistime në 51 paraqitje në të gjitha garat.
Edhe në edicionin aktual, anglezi po vazhdon me formën e shkëlqyer, pasi në 14 ndeshje ka shënuar 10 gola dhe ka regjistruar tetë asistime.
