Tetovë, 14 shkurt – Siç edhe deri tani të huajt kanë treguar mbështetje për politikanët në Maqedoninë e Veriut, kjo nuk është problem ta bëjë edhe kryeministri i Kosovës Albin Kurti, deklaroi sot presidenti i shtetit Stevo Pendarovski, duke shtuar se partitë nga Evropa edhe deri tani u kanë këtë përkrahje partive ideologjikisht të afërta në në Maqedoni.
“Mbështetja e tij ndaj njerëzve të cilët janë shtetas të Maqedonisë nuk është e diskutueshme. Këtu nuk bëhet fjalë për të huaj të cilët do të marrin pjesë në zgjedhjet tona, sepse kjo është e palejueshme. Të gjithë ata njerëz të cilët përmenden në media si njerëz të tij janë shtetas të Republikës së Maqedonisë së Veriut dhe kanë të drejtë të marrin pjesë në zgjedhje. Ndërsa përkrahje politike, zoti Kurti mund të jetë për cilindo, sepse këtë me vite e bëjnë Partia e Socialistëve Evropianë për ato parti që i përkrahin këtu dhe Partia Popullore Evropiane për partitë e djathta në Maqedoni”, deklaroi Pendarovski gjatë vizitës në Universitetin Shtetëror në Tetovë.
I pyetur për koment të presidentit serb Aleksandar Vuçiq se Kurti dëshiron ta fitojë BDI-në në Maqedoni, Pendarovski theksoi se nuk do të donte të komentojë shtetarë të e huaj që ndoshta kanë ndonjë agjendë të tyre të brendshme.
