Ndoshta Jude Bellingham nuk bëri performancën më të mirë të jetës së tij në Etihad të mërkurën mbrëma, por ai ishte aty, duke luajtur një rol vendimtar në golin e Rodrygo Goes dhe më pas duke shënuar një penallti.
Anglezi i shndritshëm ka zbuluar se vëllai i tij Jobe, i cili luan për Sunderland, bëri një udhëtim në Mançester për ta parë atë duke luajtur për Real Madridin për herë të parë.
“Është një lehtësim sepse ju keni vënë kaq shumë në lojë”, ka thënë fillimisht Bellingham për TNT Sports.
“Kam luajtur kundër Cityt disa herë dhe sa mendon se do të marrësh diçka prej tyre, më pas befas ata ta rrëmbejnë. Duhet të punosh shumë për t’i mposhtur ata. Të fitosh ndeshjen ishte një gjë masive. Një shpërblim i madh”.
“Është e pabesueshme. Momentet si ky janë magji dhe varet vetëm nga mentaliteti. Kur i merr ato detaje të drejta dhe i merr ato momente të vogla, si penalltitë, kur djemtë ruajnë gjakftohtësinë, është magji. Kjo ishte e bukur”.
“Vëllai im është këtu sot dhe është hera e parë që ai ka mundur të më shohë duke luajtur për Real Madridin. Ndihem shumë krenar për këtë”, përfundoi anglezi.
Real Madrid barazoi 1-1 në Etihad dhe ndeshja shkoi në penallti pasi rezultati përfundimtar ishte 4-4. Më pas, Los Blancos fituan penalltitë 4-3 duke siguruar kalimin në gjysmëfinale.
