Të ardhurat e banorëve kinezë kanë dëshmuar një rritje të shpejtë gjatë 75 viteve të fundit. Të ardhurat e disponueshme për frymë u rritën nga 49.7 juanë (rreth 7 dollarë amerikanë) në vitin 1949 në 39.218 juanë në vitin 2023, sipas një raporti të publikuar të premten nga Byroja Kombëtare e Statistikave.
Konsumatorë në një qendër tregtare të Pekinit(Foto nga VCG)
Të përshtatur sipas inflacionit, të ardhurat e banorëve kinezë kanë patur një rritje vjetore mesatare prej 6%, duke arritur në një rritje mahnitëse prej 75.8 herë në terma realë.
Në vitin 2020, Kina realizoi qëllimin e saj për zhdukjen e varfërinë absolute në mbarë vendin, duke kontribuar ndjeshëm në çështjen globale të uljes së varfërisë.
Të ardhurat e disponueshme për frymë të banorëve ruralë që dolën nga skamja kanë vazhduar të rriten. Nga 12.588 juanë në vitin 2020 deri në 16.396 juanë në vitin 2023, me një rritje mesatare vjetore prej 8.2%, sipas raportit.
Hendeku i të ardhurave midis zonave urbane e rurale, si dhe ai midis rajoneve të ndryshme, ka vazhduar të ngushtohet gjatë 75 viteve të fundit.
Turistë në vargmalet Tianshan, Rajoni Autonom Xinjiang-Ujgur, Kinë Veriperëndimore(Foto nga VCG)
Që nga viti 2012, rritja e të ardhurave të banorëve ruralë ka vazhduar të tejkalojë atë të banorëve urbanë . Të ardhurat e disponueshme për frymë të banorëve ruralë arritën në 21.691 juanë në vitin 2023, një rritje mesatare vjetore prej 7%. Norma e rritjes ishte 1.8 pikë përqindje më e lartë se ajo e banorëve urbanë.
Gjithashtu është rritur edhe konsumi i banorëve. Në vitin 2023, shpenzimet konsumatore për frymë arritën në 26.796 juanë, që përfaqëson një rritje 35.5 herë në terma realë, krahasuar me nivelin e vitin 1956, pas përshtatjes së inflacionit.
