Ibrahima Konate ka tre vite që është pjesë e Liverpoolit dhe ai është bërë një nga futbollistët më të rëndësishëm të The Reds.
Duke marrë parasysh se kontrata e tij skadon në verën e vitit 2026, gjiganti anglez po e blindon atë me kontratë të re.
Romano ka raportuar se drejtuesit e Liverpoolit kanë besim se Konate do të pranojë të zgjasë qëndrimin e tij në klub.
“Liverpooli është i bindur se do të përfundojë marrëveshjen për një marrëveshje të re me Ibrahima Konaten, pasi bisedimet tani po përparojnë mirë”, thotë Romano.
“Ai pritet të nënshkruajë kontratë të re pas Quansah, si pjesë thelbësore e projektit të klubit dhe e vlerësuar vërtet nga Arne Slot”, ka raportuar Romano.
The Reds synojnë që të zgjasin kontratën e 25-vjeçarit francez deri në verën e vitit 2029.
