«Çdo arsye është e mirë për të hipur mbi një motor!», ka thënë Princi William dje gjatë një vizite në Belfast, në Irlandën e Veriut. Duke rivizituar me entuziazëm një pasion të tijin të vjetër, trashëgimtari i fronit të Anglisë hipi mbi një motor statik. Por çfarë mund të ketë thënë gruaja e tij, Kate?
Kate e ka ndaluar Princin William të ngasë motorin
William u dashurua me motorët që i vogël dhe, para se të njihej me Kate-n, ai kishte pasur një motor. Por Middleton ka qenë e qartë që nga fillimi i marrëdhënies së tyre: motorët e frikësojnë. Dhe për shkak të frikës nga aksidentet, ajo i kërkoi menjëherë bashkëshortit që të heqë dorë nga motori që kishte të parkuar në garazhin e Kensington Palace.
Këtë herë William nuk ka mundur t’i qëndrojë tundimit
Përpjekja ishte shumë e fortë. Gjatë një vizite në një studio prodhimi virtual të Universitetit të Ulster në Belfast, Princi deshi të provonte një motor statik, duke u argëtuar duke e “drejtuar” atë në sfondin e efekteve speciale që krijonin pamjen e shkretëtirës së Arizonës. Madje kërkoi të bënte një xhiro të vërtetë me të.
«Ishte një eksperiencë shumë realiste», ka thënë Princi, ndërsa po zbrisre nga motori, të cilin e kishte vlerësuar për inovacionet teknike, veçanërisht për tubin e gazit.
Disa vjet më parë, gjatë një vizite zyrtare në Skoci, Princesha Kate ka pranuar se ndiente një frikë të vërtetë çdo herë që burri i saj nisej në motor për një nga udhëtimet e tij të gjata. Ajo kishte shtuar se shpresonte që ky pasion të mos kalonte te djali i tyre, George. Deri tani, George duket se ka trashëguar nga babai pasionin për shpejtësinë, por e ka fokusuar vetëm tek helikopterët. I vogli ka marrë tashmë mësime për pilotim./Living
