Carlo Ancelotti dha një paralajmërim të ashpër në drejtim të sulmuesve të Real Madridit pas pjesës së parë në derbin ndaj Atletico Madridit.
Real Madridi u rikthye nga disavantazhi për të shkëputur një pikë ndaj rivalit lokal Atletico Madridit në derbin që përfundoi me rezultat 1-1 në ‘Santiago Bernabeu’.
Julian Alvarez i dha epërsinë mysafirëve në minutën e 35-të nga penalltia, para se ‘Los Blancos’ të reagojnë fuqishëm në pjesën e dytë duke barazuar me Kylian Mbappe në minutën e 50-të.
Carlo Ancelotti raportohet se ishte i zemëruar me mungesën e rrjedhshmërisë në sulmin e skuadrës gjatë 45 minutave të para dhe për këtë arsye iu drejtua sulmuesve të tij gjatë pushimit të pjesës së parë.
Ai i dërgoi një paralajmërim Mbappes, Vinicius dhe Jude Bellingham, se do të ketë pasoja nëse gjërat nuk ndryshojnë drastikisht në pjesën e dytë.
“Ose do të bëjmë atë që kemi përgatitur ose do të ketë ndryshim të menjëhershme”, raportohet se ka thënë Ancelotti sipas gazetës Marca.
Kampioni spanjoll do të rikthehet sërish në aksion sot (e martë) ku do të përballen me Manchester Cityn në udhëtim në ndeshjen e parë të fazës së ‘play-off-it’.
