Një grua nga Alabama, e cila kishte deklaruar se ishte përdhunuar nga reperët Jay-Z dhe Sean “Diddy” Combs kur ishte 13 vjeçe, ka tërhequr padinë e saj civile kundër të dy burrave të premten, sipas dosjeve gjyqësore.
Gruaja e paidentifikuar, në dhjetor ka shtuar Jay-Z, emri ligjor i të cilit është Shaën Carter, në një padi që ajo kishte ngritur kundër Combs në gjykatën federale të Manhattan, duke pretenduar se ajo u sulmua nga këngëtarët në vitin 2000 pasi shoferi i limuzinës së Combs i ofroi asaj një udhëtim në një ndejë pas festës së “MTV Video Music Awards”.
Dokumenti gjyqësor i paraqitur nga avokatët e gruas që njoftonte largimin vullnetar nga padia nuk përmbante asnjë arsye apo shpjegim për tërheqjen.
Jay-Z, i cili i mohoi me forcë pretendimet dhe u përpoq të nxirrte veten nga padia, e ka quajtur vendimin e gruas për të tërhequr pretendimin e saj “një fitore” duke thënë se “përralla imagjinare” që ajo dhe avokatët e saj kanë krijuar ishte “për të qeshur”.
Combs mbetet i burgosur në Nju Jork në pritje të një gjyqi penal për akuzat federale të trafikimit seksual.
