Shkup, 4 prill – Në Batincë kanë filluar të pastrohen gërmadhat nga vërshimet që ndodhën shkak të daljes nga shtrati të lumit “Marku”.
Kryetari i Komunës së Studeniçanit, Azem Sadiki, në një prononcim për Klan Maqedoni thotë se është duke u punuar në pastrimin e mbetjeve që solli uji i tepërt.
Ka falënderuar kompanitë private që në mënyrë vullnetare kanë sjellë makineritë e rënda për të ndihmuar në pastrim.
Thotë se ura në hyrje të Batincës tashmë është e sigurtë dhe e njëjta është hapur për qarkullim, sepse si të sigurtë e kanë cilësuar ekspertët. Ka një lutje dhe një apel për të gjithë banorët, shtëpitë e të cilëve ndodhen në afërsi të lumit “Marku”.
Kujtojmë se ditë më parë, për shkak të daljes nga shtrati të lumit “Marku”, u regjistruan vërshime në fshatin Batincë të Komunës së Studeniçanit. Pavarësisht vërshimeve, dëmet materiale janë të vogla dhe lajmi i mirë i gjithë kësaj është se nuk u regjistrua asnjë viktimë nga rasti në fjalë.
