Real Madridi nuk është i interesuar për transferimin e Nico Williams.
Më herët ishte raportuar se klubi madrilen po e konsideronte seriozisht blerjen e anësorit 22-vjeçar nga Athletic Bilbao.
Lojtari ka një klauzolë lirimi prej 58 milionë eurosh dhe është pjesë edhe e kombëtares spanjolle.
Megjithatë, sipas Josep Pedrerol nga ‘El Chiringuito TV’, Real Madridi nuk ka shfaqur asnjëherë interes konkret për Nico Williams.
Pedrerol thotë se spekulimet janë nxitur nga Athletic Bilbao dhe rrethi i afërt i lojtarit, për ta shtyrë vlerën e tij në treg.
Ndërkohë, Barcelona ka qenë e interesuar më parë për të, por është tërhequr për shkak të mungesës së fondeve dhe konkurrencës në repartin ofensivë.
Nico Williams ka zhvilluar një sezon të mirë me pesë gola dhe pesë asistime në 29 ndeshje të La Ligës.
