Aktori shqiptar, Elvis Pupa, i cili është akuzuar javën e kaluar nga autoritetet australiane për kultivim të kanabisit, ka reaguar sërish në rrjetet sociale.
Ai ka ndarë një video në Instagram, me anë të së cilës ndan edhe një mesazh për të gjithë.
Ndër tjerash, ish-banori i Big Brother VIP Albania theksoi se nuk i interesojnë mendimet e të tjerëve dhe nuk i ka borxh askujt.
Më poshtë keni fjalimin e plotë të Pupës:
“Të gjithë synojnë të jenë perfekt. Unë kam lindur në fund të viteve ’70 dhe të jetoje fëmijërinë tënde në vitet ’80… obobo… Gjithmonë na thonin: ‘Mos fol, ha çfarë të kemi vendosur ne përpara.
Por atëhere lale, s’kishe shanse të gaboheshe, mos të guxoje të gaboheshe, sepse atëherë nuk ishe njeri, ishe turpi i familjes, turpi i fisit, turpi i shoqërisë, turpi i shkollës dhe turpi i lagjes. Si rrjedhojë, prindërit thonin: ‘Ky nuk është kalamani im. Nuk e kam edukuar kështu unë këtë’.
E kështu ti rritesh me idenë që duhet të rritesh perfekt. Duhet të ecësh siç duhet dhe të sillesh siç duhet. Në fund nuk përfundon njeri, por një robot me ankth. Perfeksionizmi nuk është virtyt.
Po bota prapë të shkel me këmbë dhe e bën me buzëqeshje, të shkel me klas.
Nuk e them këtë për miratim, as nuk më intereson mendimi juaj, sepse jeta ime personale është personale. Nuk më keni borxh asgjë e as unë ju. Aspak”.
