Shkup, 14 janar – Ministri i Transformimit Digjital Stefan Andonovski paralajmëroi mbylljen graduale të Fondit për Inovacion dhe Zhvillim Teknologjik (FIZHT) këtë vit për shkak të, siç tha, keqpërdorimeve të shumta financiare dhe krimeve të kryera nga disa menaxhmente të mëparshme të këtij institucioni.
Plani, siç deklaroi Andonovski, është që pas mbylljes së Fondit, përgjegjësitë t’i marrin Ministria e Transformimit Dixhital, Ministria e Arsimit dhe Shkencës dhe institucione të tjera përkatëse.
“Ideja është që Fondi të mbyllet dhe kjo të ndodhë gjatë vitit 2025 ndërsa kompetencat për zhvillimin teknologjik, inovacionet do t’i marrin institucionet që janë të përshtatshme për këtë, në aspektin e zhvillimit teknologjik, inovacioneve digjitale, pra ministria jonë, ndërsa në projektet dhe inovacionet shkencore – Ministria e Arsimit dhe Shkencës”, tha Andonovski.
“U pa se se FIZHT me të gjithë drejtorët e tij të mëparshëm, ka funksionuar shumë kriminalisht gjatë gjashtë viteve të fundit. Dëmet janë disa milionë euro. Fatkeqësisht, Fondi ka humbur besueshmërinë tek qytetarët dhe nëse nesër hapim një program të ri në Fondin e Inovacionit, njerëzit do të thonë se jeni njësoj si të mëparshmet. Ashtu si të mëparshmet dhanë para për geta, për receta picash, për tualete jobinare, ashtu edhe ju tani do të bëni të njëjtën gjë për disa të reja. Ne nuk mund ta lejojmë këtë”, shtoi ministri.
Ai i ka dërguar mesazh menaxhmentit aktual të Fondit që të punojnë edhe më shumë në auditim, që siç tha ai të zbardhet gjithçka që ka ndodhur në këtë institucion.
