Shkup, 23 maj – Gjykata e Apelit ka marrë vendim për lirimin e Shaban Saliut, ish-ministrit pa resor në paraburgim, i cili ishte një nga të dyshuarit në rastin e zjarrit tragjik në Koçan. Siç deklaroi avokati i tij, Shenaj Osmanov, për Roma News, gjykata ka vlerësuar se “nuk ka dyshime” për përfshirje të mëtejshme të tij në hetimin që po udhëhiqet nga Prokuroria, raportoi Roma News.
Gjykata ka vlerësuar se nuk ka kushte për vazhdimin e paraburgimit, por ndaj Saliut janë vendosur masa kujdesi, duke përfshirë:
• heqjen e pasaportës,
• paraqitje të rregullt te autoritetet kompetente.
“Apeli ka përcaktuar qartë se nuk ka bazë për vazhdimin e masës së paraburgimit. I është marrë pasaporta dhe ka detyrim të paraqitet çdo të hënë në Gjykatën Themelore në Koçan,” deklaroi Osmanov.
Saliu nga nesër do të kthehet në vendin e tij të punës si ministër pa resor në Qeverinë e Republikës së Maqedonisë së Veriut, çka ka nxitur reagime të mëtejshme në opinionin publik.
Edhe pse Prokuroria ende nuk është prononcuar nëse do të paraqesë ankesë ndaj vendimit të Apelit, burime pranë hetimit konfirmojnë se një pjesë e provave janë në fazën përfundimtare të përpunimit.
