Shkup, 31 gusht argument.mk/ – Dje, rreth orës 14:50, në Kompleksin e Klinikave “Nënë Tereza” në Shkup, zyrtarët policorë të SPB Shkup kanë privuar nga liria O.S.A. (42) nga Shtipi.
Rreth orës 13:55, në një dhomë për punonjësit në njërën prej klinikave, ai dyshohet se i ka marrë portofolin dhe sende të tjera një punonjëseje 56-vjeçare nga Shkupi.
Gruaja e ka kapur në flagrancë dhe, pasi është përpjekur ta ndalojë, 42-vjeçari e ka sulmuar fizikisht.
Pas dokumentimit të plotë të rastit, ndaj tij do të vijojë procedurë përkatëse ligjore.
