Viktor Gyokeres është padyshim sulmuesi më në formë në Evropë, pasi suedezi vazhdon të shënoj e asistoj në çdo ndeshje.
Falë paraqitjeve fantastike me Sporting Lisbonën, Gyokeres është bërë objektiv i top klubeve evropiane, ku edhe Barcelona dëshiron transferimin e tij.
Sipas gazetës katalunase Sport, drejtori sportiv i Barcelonës Deco beson se sulmuesi i Sporting, Viktor Gyokeres është një opsion i shkëlqyer për ta zëvendësuar Robert Lewandowskin.
Blaugranët janë të interesuar të nënshkruajnë me sulmuesin suedez vitin e ardhshëm dhe po mendojnë për një shkëmbim të mundshëm plus marrëveshje me para për ta realizuar atë.
Ata mendojnë se Vitor Roque potencialisht mund të përdoret për marrëveshjen duke i ofruar Sportingut ta nënshkruajë atë si pjesë e marrëveshjes së transferimit.
Barça beson se Roque vlerësohet në 30 milionë euro dhe kjo mund të ulë kërkesat monetare të klubit portugez. Ata mendojnë se Gyokeres mund të nënshkruhet për 60-70 milionë euro.
Sulmuesi suedez ka qenë fantastik për Sportingun në fillimin e sezonit 2024/25, duke shënuar 20 gola në 16 paraqitje në të gjitha garat.
