Shkup, 3 prill – Bujqit kanë të drejtë për dëmshpërblimet dhe vonesat që po bëhen nga ana e komisionit komunal, në rastin e komunës së Tetovës, thotë zëvendës ministri i Bujqësisë, Flakron Bexheti. Sipas Bexhetit, ai ka bërë vazhdimisht presion, por komisioni komunal ende nuk ka dorëzuar raportin e dëmeve nga breshëri i vitit 2024. Ai shtoi se numri i dëmeve në komunën e Tetovës është i madh dhe pret që komisioni të dorëzojë shpejt raportin. Sipas tij, disa qytete në Maqedoninë Lindore kanë marrë dëmshpërblimet, por kjo nuk varet nga ata, por nga komisioni komunal që ende nuk ka dorëzuar raportin.
“Bujqve të pjesës sonë të Tetovës të Pollogut me të cilën me të drejtë e hapin këtë çështje por duhet ta shpjegoj se kjo është çështje e komisionit komunal në Kuadër të komunës së Tetovës me të cilët kamë qenë në komunikim të drejtpërdrejtë dhe kam bërë një presion që sa më shpjete të zgjidhjet kjo çështje. I kuptoj edhe ata se ka pasur mbi 500 aplikime dhe është dashur të behët inspektime në vende të ndryshme të bëhet edhe vlerësimi pasi që flitet dhe për disa lloje të kulturave, ata janë duke punuar janë në përfundim dhe besoj se kjo çështje do të zgjidhet tjera”, tha Flakron Bexheti
