Brigadat Al-Qassam, krahu i armatosur i grupit të rezistencës palestineze Hamas, i dorëzoi sot Komitetit Ndërkombëtar të Kryqit të Kuq tre pengje izraelitë në dy lokacione në Rripin e Gazës, si pjesë e marrëveshjes së shkëmbimit të të burgosurve.
Sipas korrespondentit të Anadolus, dy pengje izraelitë, Ofer Calderon dhe Yarden Bibas, iu dorëzuan Kryqit të Kuq në Khan Younis në Gazën jugore.
I burgosuri i tretë, Samuel Siegel, i cili gjithashtu ka nënshtetësi amerikane, iu dorëzua përfaqësuesve të Kryqit të Kuq në portin detar të Qytetit të Gazës nga Brigadat Al-Qassam.
Transferimi u realizua në mes të pranisë së konsiderueshme të palestinezëve.
Anëtarët e Brigadave Al-Qassam u vendosën gjithashtu në masë të madhe në zonë për të mbikëqyrur transferimin.
Automjetet e Kryqit të Kuq, të cilat mbërritën në Khan Younis dhe në qytetin e Gazës më herët gjatë ditës, lehtësuan dorëzimin sipas kushteve të dakorduara për shkëmbimin e sotëm.
Procesi i shkëmbimit është zhvilluar me ndërmjetësim ndërkombëtar.
