Shkup, 14 shkurt – Nëse paraqitet si domosdoshmëri, gjithmonë jemi të gatshëm të dalim në mbështetje të kujtdo qoftë në sektorin privat apo publik, deklaroi Fatmir Bytyqi, zëvendëskryeministër për Çështje Ekonomike në pyetjen nëse do të sjellin një iniciativë për përparësi të transportuesve në zëvendësimin e dokumenteve personale.
Në një deklaratë për media pas inspektimit të shkollës fillore të sapondërtuar “Vizbeg” në Komunën e Butelit, zëvendëskryeministri Bytyqi tha se për momentin nuk kanë një kërkesë të tillë dhe se kanë biseduar me Ministrinë e Transportit dhe Lidhjeve.
“Ata nuk kanë probleme më serioze. Mund të ketë përjashtime nga transportuesit që nuk e kanë zgjidhur çështjen e lejeve të qarkullimit, patentë shoferëve etj, dhe dokumentacioneve të tjera shoqëruese. Nëse kjo paraqitet si domosdoshmëri, ne gjithmonë kemi thënë se jemi të gatshëm të dalim në mbështetje të kujtdo – qoftë në sektorin privat, qoftë në atë publik, ne kemi ndihmuar kur është e nevojshme. Dhe në këtë rast, nëse është e nevojshme, them, dhe ata e kanë atë problem, sigurisht që ne jemi të gatshëm të bisedojmë”, deklaroi Bytyqi.
Asociacionet e transportuesve në komunikacionin rrugor “MAKAM-TRANS” dhe “Prevozik” sot i kanë dërguar një shkresë me kërkesë për mundësimin e përparësisë për lëshimin e të gjitha dokumenteve të nevojshme të shoqatave tregtare transportuese Ministrisë së Punëve të Brendshme dhe një shkresë për mbështetje Ministrisë së Transportit dhe Lidhjeve, ndërsa për shkak të hyrjes në fuqi të dispozitave të Marrëveshjes së Prespës.
Siç theksojnë ata, për shoferët profesionistë, aktivitetet e tyre të punësu varen pikërisht nga këto dokumente dhe për këtë arsye ata u drejtohen atyre për ndihmë dhe mbështetje për të shmangur ndalimin në kryerjen e transportit të mallrave.
