Shkup, 1 prill – Në Kuvendin e Maqedonisë së Veriut sot seanca do të mbajnë komisionet për çështje të zgjedhjeve dhe emërimeve, për transport, transformim digjital, mjedis jetësor dhe planifikim hapësinor dhe Komisioni Ligjvënës-juridik.
Në rendin e ditës së seancës së Komisionit për zgjedhje dhe emërime është Debati publik për përcaktimin propozim listës së kandidatëve të paraqitur pas Vendimit për publikimin e shpalljes publike për zgjedhje të anëtarit të Komisionit për parandalim dhe mbrojtje nga diskriminimi. Në shpallje janë paraqitur tetë kandidatë, të cilët sot në debatin publik duhet të marrin pjesë para deputetëve.
Në Komisionin Ligjvënës-juridik do të shqyrtohet Propozim-ligji për ndryshimin dhe plotësimin e Ligjit për realizimin e projekteve infrastrukturore për ndërtimin e aksit rrugor Milladinovci-Shtip dhe aksin rrugor Kërçovë-Ohër, në lexim të dytë, si dhe Propozim-ligji për ndryshimin dhe plotësimin e Ligjit për sigurim pensional dhe invalidor, me procedurë të shkurtuar.
