Prishtinë, 10 gusht, Zhurnal.mk – Deputeti i Ukrainës, Oleksiy Goncharenko, i cili është edhe iniciues i projektligjit për njohjen e Kosovës në Parlamentin e Ukrainës, ka reaguar lidhur me deklaratën e presidentit të Ukrainas, Volodymyr Zelensky në Beograd.
Ai e ka cilësuar deklaratën e Zelenskyt se ‘Ukraina nuk ka ndërmend ta ndryshojë qëndrimin e saj ndaj mosnjohjes së pavarësisë së Kosovë’, si gabim diplomatik.
“Ky është një gabim diplomatik. Ukrainasit mbështesin pavarësinë e Kosovës dhe ne besojmë se Ukraina duhet ta njohë shtetin. Unë do të vazhdoj të luftoj për pavarësinë e Kosovës dhe përfundimisht Ukraina do ta njohë atë”, ka deklaruar Goncharenko në një postim në rrjetin social “X”.
