Raporti i fundit i UEFA-s për Licencimin e Klubeve ofron një analizë të gjendjes aktuale të peizazhit evropian të futbollit.
“Ndërsa shumica e klubeve duket se po menaxhojnë me përgjegjësi rritjen e pagave të lojtarëve, kostot e tjera po rriten me shpejtësi, duke vënë presion më të madh mbi marzhat operative se kurrë më parë”, ka thënë fillimisht presidenti i UEFA-s, Aleksander Ceferin.
“Klubet duhet të qëndrojnë vigjilentë pasi ka ende shumë punë për të bërë për të rivendosur përfitimin para pandemisë”.
“Interesimi për futbollin evropian nuk ka qenë kurrë më i lartë, me rekordet e frekuentimit që janë thyer në të gjithë Evropën”, përfundoi i pari i UEFA-s.
Pagat e klubeve të ligave elitare arritën në 18 miliardë euro në 2023/24, një rritje prej 6.5% krahasuar me një vit më parë, dukshëm më e lartë se para pandemisë.
Ligat jashtë kontrollit dhe PSG, klubi që paguan më shumë
Shumë klube po përpiqen shumë, por pagat mbeten të paqëndrueshme në disa liga, duke thithur midis 86% dhe 88% të të ardhurave të klubeve belge dhe turke dhe 98% të klubeve greke. Klubet italiane (nga 83% në 66%) dhe klubet franceze (nga 89% në 78%) kanë përmirësuar shifrat e tyre.
Lista e dhjetë skuadrave që kanë shpenzuar më shumë për pagat e lojtarëve në sezonin 23/24, kryesohet nga PSG me 658 milionë euro, e ndjekur nga City me 554 milionë euro, Real Madrid 505 milionë euro, Barcelona 476 milionë euro, Liverpool 449 milionë euro, Bayern United 430 milionë euro, Manchester United 429 milionë euro, Chelsea 395 milionë euro, Arsenali 381 milionë euro dhe Aston Villa 292 milionë euro, sipas shifrave zyrtare deri të UEFA-s.
Faktori i Arabisë Saudite
Kthimi në nivele më të larta të aktivitetit të transferimit të gjenerimit të të ardhurave do të thotë që kostot neto të transferimeve prej 2.1 miliardë euro në vitin 2022 janë konvertuar në kosto më të ulëta të transferimeve neto në vitin 2023 prej 1.1 miliardë euro.
Falë të ardhurave të papritura nga shitjet e transferimeve në verën e vitit 2023 te klubet e Arabisë Saudite, klubet deri më tani kanë regjistruar të ardhura rekord nga transferimet dhe kosto më të ulëta neto të transferimeve në vitin 2024. Thënë ndryshe, klubet po fitojnë gjithnjë e më pak nga TV dhe më shumë nga marketingu.
Megjithatë, shpenzimet bruto janë një pamje shumë ndryshe, me Chelsean që shpenzoi 1.996 miliard euro për transferime gjatë periudhës, 70% më shumë se shpenzuesi tjetër më i madh, City.
