Shkup, 5 shkurt – Gazetarja shqiptare nga Maqedonia, Dijana Toska ka reaguar përmes një postimi në Facebook në lidhje me ngjarjet e fundit, gjegjësisht për plumbin që i është lënë në pragun para derës së shtëpisë të kreut të Aleancës për Shqiptarët, Arben Taravari.
Në vijimi postimin e plotë
Një plumb që i frkësohet dritës sot u gjet në pragun e familjes së Arben Taravarit.
Historia më e re e Kosovës na ka mësuar se për nëntokën më e vlevshme se jeta e njeriut është pushteti i cili sjell para, pasuri e fuqi dhe kjo përvojë e zezë gjeti rrugën edhe në mesin tonë mu në prag të zgjedhjeve.
Ky akt qyqar dëshmon se me çfarë lehtësie mund të rrezikohet jeta e një njeriu i cili ka guximin të flasë ndryshe, të kërkojë ndryshimin në mënyrë civilizuese e transparente.
Arben Taravari, DIKUJT ia prishi hesapet qoftë materiale apo ato politike prandaj edhe ky kërcënim nga nëntoka duhet të kuptohet si thirje e ndërgjegjjes për ta ndëshkuar mes votës secilin politikan që punon kundër intereseve kombëtare e për llogari personale e klaneve mafioze që ju takon.
Ky prostitucion i imazhit të politikanit shqiptar nuk duhet të jetë model i stantardit të vlerave në një të ardhme të afërt për ne.
Këta plehra të nëntokës, këta frikacak e tradhtarë të kombit që njohin vetëm gjuhën e kërcënimit, hakmarjes e gjakut, vetëm e vetëm për të ardhur në pushtet duhet tu tregojmë se u ka ardhur fundi.
“Ky URIM“ nga nëntoka le të na shërbejë si motiv vendimtarë për ta ndryshuar gjendjen kolektive në të cilën gjendemi dhe një përgjigjje stoike ndërnjerëzore për mafiozët e të gjitha ngjyrave partiake;
“ Nuk ka plumb që do ta vrasë dinjitetin tonë kombëtarë“!
