Jude Bellingham është në histori të Borussia Dortmundit, si një nga futbollistët më të shtrenjtë të shitur nga kjo skuadër.
Megjithatë një tjetër futbollist me mbiemrin Bellingham pritet të transferohet në Signal Iduna Park, për të vazhduar shkëlqimin e mbiemrit në këtë stadium.
Fjala është për vëllanë e vogël të Jude, Jobe Bellingham i cili është bërë objektivi kryesor i verdhezinjve.
19-vjeçari që luan me Sunderlandin në Championshipin anglez pëlqehet shumë nga Dortmund që po përshpejtojnë për transferimin e tij.
Bild ka raportuar se te Dortmund e dinë se për anglezin e talentuar ka shumë oferta dhe duan transferimin e Jobe Bellingham qysh në afatin kalimtar të janarit.
Verdhezinjtë janë gati të shpenzojnë 20 milionë euro për realizuesin e dy golave dhe një asistimi këtë edicion.
