Rolando Maran do të jetë trajneri i ri i Shqipërisë për dy vitet e ardhshme. Zyrtarizimi ka ardhur paraditen e sotme, kur në një konferencë për shtyp është larguar Silvinjo, dhe është prezantuar trajneri i ri.
Me këtë rast ai zbuloi edhe faktin se kontrata me Maran do të jetë dy vjeçare.
10:23
Trajneri i Kombëtares, Rolando Maran, ka thënë fjalët e tij të para si trajner i Shqipërisë.
10:17
Sylvinho mbylli aventurën e tij me Kombëtaren shqiptare pas thuajse 3 vitesh e gjysmë në krye të kuqezinjve.
Në konferencën për mediat, tekniku brazilian u shpreh se cikli i tij me kuqezinjtë u mbyll dhe falënderoi të gjithë ata që ka punuar, nga lojtarët te Federata, duke përmendur edhe tifozët.
10:14
Presidenti i FSHF-së, Armand Duka, në një konferencë për mediat, ka zyrtarizuar Rolando Maran si trajnerin e ri të Kombëtares dhe ka folur në lidhje me largimin e Sylvinhos, që largohet me konsensus dhe respekt.
09:38
Zyrtare/ Kombëtarja me trajner të ri, ja kush do e pasojë Sylvinhon në krye të kuqezinjve
Një tërmet i vërtetë taktik ka përfshirë stolin e Kombëtares Shqiptare të Futbollit. Pas përfundimit të bashkëpunimit dhe vendimit për të mos rinovuar kontratën me teknikun brazilian Sylvinho, Federata Shqiptare e Futbollit ka lëvizur me shpejtësi dhe ka gjetur pasuesin.
09:04
Nga një emër i parë me skepticizëm në një hero kombëtar, e deri te divorci i ftohtë në tryezën e negociatave. Epoka e Sylvinhos në krye të Kombëtares Shqiptare të Futbollit është tashmë një kapitull i mbyllur, duke lënë pas një trashëgimi të artë, por edhe një ndarje që ngre pikëpyetje.
08:11
Sylvinho largohet! Braziliani nuk është më trajneri i Kombëtares, FSHF ka gati zëvendësuesin
Sylvinho nuk është më trajneri i Kombëtares shqiptare.
Në një komunikim për mediat, FSHF ka bërë me dije se tekniku brazilian i ka dhënë fund aventurës së tij me kuqezinjtë.
Gjithashtu, në komunikatë bëhet me dije se në orën 10:00 do të bëhet edhe prezantimi i trajnerit të ri në një konferencë për mediat në “Shtëpinë e Futbollit”.
