Një person ka raportuar se persona të panjohur me forcë kanë depërtuar në shtëpinë e tij dhe kanë vjedhur armë zjarri.
Në raportin 24 orësh të Policisë së Kosovës bëhet e ditur se ngjarja ka ndodhur të hënën rreth orës 14:45, në Hajvali të Prishtinës.
Tutje bëhet e ditur se hajnat kanë vjedhur dy armë zjarri, një pistoletë me 14 fishekë dhe një pushkë gjuetie me 10 fishekë.
“Ankuesi mashkull kosovar, ka raportuar se të dyshuar të panjohur me forcë kanë depërtuar në shtëpinë e tij dhe nga aty kanë vjedhur dy armë zjarri, një pistolete me 14 fishekë të kalibrit 9mm dhe një pushkë gjuetie me 10 fishekë. Rasti nën hetime”, thuhet në raport.
