Dy shtetas të Maqedonisë së Veriut, një mashkull dhe një femër, janë arrestuar në lidhje me një rast vjedhjeje që ka ndodhur në Veternik, Prishtinë. Pas një hetimi të zhvilluar nga Policia e Kosovës, të dyshuarit janë identifikuar dhe arrestuar.
Gjatë kontrollit të automjetit të tyre, janë gjetur dhe sekuestruar 6 palë syze dielli dhe një parfum, sende që dyshohet se janë vjedhur.
Pas intervistimit të të dyshuarve, Prokurori ka dhënë vendim për dërgimin e tyre në mbajtje.
Hetimet për këtë rast po vazhdojnë.
