Strugë, 22 shkurt – Bletarët e Strugës kanë ngritur një ankese të fortë ndaj Inspektoriatit, duke denoncuar se individë nga Ohri, Dibra dhe Shkupi apo dhe Shqipëria po shesin mjaltë, ndërkohë që nuk ka pasur asnjë inspektim për verifikimin e cilësisë dhe origjinës së produktit. Ata theksojnë se, pavarësisht se kanë bërë disa ankesa, asnjëherë nuk ka pasur ndonjë reagim nga inspektorët. Sipas tyre, këta shitës janë të gjithë te huaj dhe po dëmtojnë tregun lokal.
“Vetëm në Strugë shitet ky mjaltë pa asnjë kriter, shkon merr një mjaltë 200 denarë dhe shesin 400 denarë. Asnjë bletar nuk ka fitim, sepse mjaltin e shesin 400 denarë. Dua të vijë një komision për të pyetur, a ke vërtetim për të shitur? Kush shet, të shesë mjaltë të pastër, kush nuk ka, le ta mbajë në shtëpi. Kemi bërë ankesa në Inspektoriat, por kam bërë kalim një herë dhe më thanë: ‘Mjaltin si e ke?’ E kam të mirë, por nuk kaloi përsëri.”, u shpreh kryetari i Bletarëve në Strugë.
Bletarët po ankohen për mungesë serioziteti nga ana e Inspektoriatit në kryerjen e detyrave institucionale.
“Ankesa ime është se vinë prej Ohri, Dibre, Shkupi edhe shesin mjaltë ne Struge. Shesin mjaltë fallc. Kemi bërë ankesa disa herë, asnjëherë nuk vijnë inspeksion, këta të gjithë janë prej Shqipërie.”, tha një bletar.
Televizioni ynë ka tentuar të lidhet me Agjencinë për Ushqim dhe Komunën e Strugës për të marrë përgjigje për problemin e ngritur nga bletarët por hasi në vesh të shurdhët.
