Meriton Mjekiqi dhe Ilnisa Agolli janë ‘martuar’ sonte (e enjte) në Big Brother VIP Albania 3.
Në shtëpinë më të famshme në Shqipëri u improvizua një dasmë, ku e ftuar për të kënduar ishte Valbona Mema.
Në ambientet e jashtme u krijua një atmosferë e mrekullueshme, ku konkurrentët po këndonin e vallëzonin së bashku.
Megjithatë, jo të gjithë banorët ishin të ftuar në këtë ceremoni, pasi çifti largoi disa.
Vesa Smolica, Fation Kuqari dhe Erjola Doçi nuk morën pjesë në dasmë, ndonëse kjo e fundit u tërhoq vetë për shkak të debatit me Ilnisën.
Ajo i tha Meritonit se e respekton, por nuk dëshiron të jetë pjesë për shkak të përplasjes me banoren.
Ata po qëndronin larg të tjerëve, duke anashkaluar dasmën e çiftit.
