FIFA i ka publikuar dënimet për ndeshjet e shtatorit, të vlefshme për kualifikimet e Kupës së Botës 2026.
Në mesin e federatave të dënuara është edhe e Kosovës.
Por FFK-ja mori gjobë të vogël, prej 1000 frangave zvicerane (1074 euro), për shkelje në bazë të pikës për “rend dhe siguri në ndeshje, ndezje të fishekzjarrëve apo çdo objekti tjetër”.
Gjoba ka të bëjë me ndeshjen ndaj Suedisë.
Për kartonin e kuq të Lindon Emërllahut, që është i suspenduar për ndeshjen e së premtes ndaj Sllovenisë, FFK-ja duhet të paguajë 5000 franga.
Është dënuar edhe federata zvicerane me 5000 franga, për “hyrje në fushë apo tentim të hyrjes në fushë të shikuesve”. Dënimi ndaj Federatës së Zvicrës është për ndeshjen e 5 shtatorit ndaj Kosovës.
Shqipërisë i është ndarë një dënim prej 10 mijë frangave zvicerane për mosorganizim të duhur të ndeshjes së 9 shtatorit me Letoninë.
