Gjermania dhe Franca janë dy prej shteteve që po përgatiten të bllokojnë anëtarësimin e Kosovës në Këshillin e Europës, për shkak të ndërlidhjes së formimit të Asociacionit të komunave me shumicë serbe me këtë proces. Ky informacion është sjellë nga Gerald Knaus, drejtori i Iniciativës Evropiane për Stabilitet, i cili ka ngritur shqetësimet në lidhje me ndikimin e këtyre dy shteteve në votimin e mundshëm në Këshillin e Ministrave të KiE-së. Ky zhvillim vjen në prag të takimit të Këshillit të Ministrave të KiE-së, ku është pritur që çështja e anëtarësimit të Kosovës të jetë në agjendë për votim. Megjithatë, sipas Knausit, disa qeveri, përfshirë atë të Gjermanisë dhe Francës, po planifikojnë të bllokojnë këtë proces, duke injoruar rekomandimin e dhënë më herët nga Asambleja Parlamentare e KiE-së në prill. Aktualisht, disa qeveri të shteteve anëtare të Këshillit të Evropës, përfshirë atë të Gjermanisë dhe Francës, po përgatiten ta bllokojnë një votim në maj për pranimin e Kosovës, duke injoruar rekomandimin e Asamblesë Parlamentare të dhënë në prill,” – tha Knaus.
Gerald Knaus: Gjermania e Franca do ta bllokojnë anëtarësimin e Kosovës në Këshillin e Evropës për shkak të Asociacionit
