Një oficer i lartë rus ka paralajmëruar se konflikti në Ukrainë mund të përshkallëzohet në një luftë në shkallë të plotë në Evropë dhe tha se gjasat që forcat e Moskës të tërhiqen në një konflikt të ri po rriten “dukshëm”.
Gjenerali Vladimir Zarudnitsky , kreu i Akademisë Ushtarake të Shtabit të Përgjithshëm të Forcave të Armatosura Ruse, i bëri këto komente në një artikull për botimin e Ministrisë së Mbrojtjes “Mendimi Ushtarak”, njoftoi sot agjencia ruse e lajmeve RIA.
“Nuk mund të përjashtohet mundësia e përshkallëzimit të konfliktit në Ukrainë, nga rritja e atyre që marrin pjesë në “forcat proxy”, të cilat përdoren për konfrontim ushtarak me Rusinë, në një luftë në shkallë të gjerë në Evropë”, tha gjenerali, sipas RIA.
“Burimi kryesor i kërcënimeve ushtarake kundër shtetit tonë është politika anti-ruse e Shteteve të Bashkuara dhe aleatëve të saj, të cilët po zhvillojnë një lloj të ri lufte hibride për të dobësuar Rusinë në çdo mënyrë të mundshme, për të kufizuar sovranitetin e saj dhe për të shkatërruar integritetin e saj territorial”, citohet të ketë thënë Vladimir Zarudnitsky.
“Mundësia që shteti ynë të tërhiqet qëllimisht në konflikte të reja ushtarake rritet ndjeshëm”, theksoi ai.
Zarudnitsky argumentoi se duhet të bëhen ndryshime në mënyrën se si Rusia organizon forcat e saj të armatosura dhe sigurinë, shtoi RIA, duke përfshirë vendosjen e më shumë theksit në reagimin ndaj atyre që ai i quajti vendet mike për të garantuar sigurinë e Rusisë dhe për të bashkuar të gjithë shoqërinë ruse rreth mbrojtjes së saj.
